No der Halleffinall tëscht Diddeleng an dem Gréngewald ass nach onkloer, wien d'Finall géint de Sparta Bartreng spillt.

E Sonndeg de Mëtteg hat sech den T71 Diddeleng ufanks mat 79:78 géint de BBC Gréngewald-Hueschtert duerchgesat. Nom Match gouf d'Resultat dann allerdéngs op 77:78 rectifiéiert. Diddeleng krut am éischte Véierel beim Stand vun 2:2 zwee Punkte bäi, ouni datt e Kuerf gefall war an och dono ass de Score nach eemol hänke bliwwen. Nom Match krut de Gréngewald d'Victoire zougesprach, kuerz drop hat déi Diddelenger Ekipp awer Protest ageluecht. Den Tribunal fédéral vun der FLBB tranchéiert e Mëttwoch an dëser Affär.

Kuckt Iech hei nach emol déi éischt Minutte vum Match un a maacht Iech selwer e Bild:

Déi éischt Minutte vum Match T71 Diddeleng géint de Gréngewald
Déi éischt Minutten aus der 1/2-Finall tëscht dem T71 Diddeleng an dem BBC Gréngewald-Hueschtert bei den Dammen.
De Präsident vum T71 Diddeleng Marcel Wagener am Interview
De Präsident vum T71 Diddeleng Marcel Wagener am Interview
Den Trainer vum Gréngewald François Manti am Interview
Den Trainer vum Gréngewald nom Match am Interview.
De Präsident vun der FLBB Samy Picard am Interview
De Präsident vun der FLBB am Interview

Wien tatsächlech den 18. Mäerz an der Finall um Terrain vum Gymnase stoe wäert bleift also ofzewaarden.