Am Schwammen ass de Remi Fabiani um 2. Dag vum Championnat am 25-Meter-Baseng zu Uewerkuer een neie Lëtzebuerger Rekord iwwer 200 Meter Réck geschwommen.

De Lëtzebuerger huet no 1 Minutt 56 Sekonnen an 29 Honnertstel ugeschloen an de Rekord vum Raphaell Stacchiotti ëm 51 Honnertstel verbessert. De Fabiani ass mat dëser Zäit och ënnert der Norm fir d'EM Ufank Dezember zu Glasgow bliwwen.

Um Samschdeg Nomëtteg koumen dann nach 2 weider national Rekorder dobäi. Iwwer 4x100 Meter 4Nages hunn de Max Mannes, Ralph Daleiden, Yann Van den Bossche an de Stephan Vanderschrick an enger Zäit vun 3 Minutten 42 Sekonnen an 85 Honnertstel e neie nationale Rekord realiséiert. Am Kader vun dëse 4x100 Meter 4Nages ass de Rapahel Stacchiotti e neie Rekord iwwer 100 Meter Réck geschwommen an dat an enger Zäit vun 26,09 Sekonnen.

E Samschdeg hat hie sech schonn iwwer 200 a 50 Meter Crawl fir d'EM qualifizéiert. De Max Mannes hat sech deen Dag och iwwer 200 Meter Crawl qualifizéiert.