D‘Lëtzebuerger Sportspress bedauert an engem Communiqué, datt ee Journalist vum “Le Quotidien” en Dënschdeg net op engem Point Presse vun der Lëtzebuerger Futtballnationalekipp erwënscht war. De Verband vun de Lëtzebuerger Sportjournalisten dréckt seng Ënnerstëtzung dem Journalist géintiwwer aus. D‘Meenungsfräiheet an de Lëtzebuerger Medien dierft op kee Fall a Gefor sinn, heescht et weider. An deem Sënn proposéiert “sportspress.lu” dem Nationaltrainer Luc Holtz een Echange no den zwee Lännermatcher géint Slowenien an Irland.
