Real Madrid géint Borussia Dortmund. Esou heescht Final vun der Champions League, déi e Samschden gespillt gëtt. De klore Favorit ass d’Ekipp aus Spuenien, ma an enger Finall ass bekanntlech alles méiglech. Dat gesäit de Lëtzebuerger Fanclub vum BVB “Lëtzebuerg Süd” och net anescht. Si hoffen, dass um Enn déi Schwaarz-Giel d’Coupe an d’Luucht strecke kënnen. 20 Lëtzebuerger Supporter vum BVB wäerten am Wembley-Stadion mat dobäi sinn, déi sech eng real Chance ausrechnen, fir géint Real Madrid ze gewannen.
