De Lëtzebuerger Volleyballer Kamil Rychlicki huet mat sengem Veräin Lube Civitanova nees eng Kéier d’Coppa Italia gewonnen.
Beim 3:1 e Sonndeg den Owend huet de Lëtzebuerger mat enger positiver Quot vu 59% an der Attack am Ganze 15 Punkte bäigesteiert.
Vum 9. bis den 11. Februar kënnt Dir Lube Civitanova am Kader vun der CEV-Volleyball-Champions-League nees live op RTL.lu suivéieren.
