Bei den Häre konnt sech Dikrech no 5 Sätz mat 3:2 géint Luerenzweiler duerchsetzen a sech sou den Ticket fir d’Véierelsfinalle sécheren. Iwwerdeems stinn och Stengefort a Fenteng schonn ënnert de leschten aacht Ekippen.
Um Sonndeg setzt sech Bartreng mat 3:1 géint de Belair duerch an Iechternach wënnt och mat 3:1 géint Amber-Lënster.
Bei den Damme huet sech de CHEV Dikrech ouni gréisser Problemer mat 3:0 géint Stroossen duerchgesat a steet domat an de 1/4-Finallen. Och an déi nächst Ronn hunn et bis elo Luerenzweiler, Bartreng a Péiteng gepackt.
An den dräi Partien um Sonndeg gouf et kloer Victoiren. Walfer wënnt 3:0 géint Stengefort, d’Gym wënnt och 3:0 doheem géint Iechternach a Fenteng setzt sech kloer mat 3:0 zu Wolz duerch.
