Aus der Liichtathletik kennt e Samschdeg den Owend Nouvelle, dass de Ruben Querinjean zu Lille a Frankräich bei engem 5-Kilometer-Stroosselaf en neien nationale Rekord opgestallt huet.
De Lëtzebuerger ass an enger Zäit vun 13 Minutten an 20 Sekonnen iwwert de wäisse Stréch gelaf. Domat ass hie 37 Sekonne méi séier gelaf, wéi de Vivien Henz säi Rekord aus dem Joer 2023, dee bei 13:57 Minutte louch.
