U sech ass et en normale Linnefluch vu 14 Stonnen, d’Streck vu Singapur op London. Ma beim Singapore Airlines Fluch vum leschte Méindeg war d’Situatioun e bësse méi speziell. E klenge Villchen hat sech u Bord geschlach an ass matgeflunn.
Natierlech ass d’Déier net Economie geflunn, wa ee schonn sech u Bord schmuggelt, mécht een dat an der Business Class. 12 Stonne laang war hien onentdeckt bliwwen, just déi lescht 2 Stonnen huet hie sech gewisen.
Zesumme mat der Hëllef vu Passagéier konnt de Villchen agefaange ginn an e koum an d’Déierquarantän um Fluchhafe London Heathrow.
Wéi d’Déier u Bord koum a wou et sech 12 Stonne konnt verstoppen, ass nach net gewosst.
