Zu Minsk a Wäissrussland war e Freideg den Owend d'Erëffnungszeremonie vun der 2. Editioun vun den Europaspiller.
E Freideg den Owend gouf um 23.35 Auer déi zweet Editioun vun den Europaspiller offiziell lancéiert. D'Biathletin Darja Domratschewa huet zesumme mat weidere wäissrussesche Spëtzesportler d'Flam vum Fridden ugefaangen.
© AFP
Vum 21. bis den 30. Juni kämpfen iwwer 4.000 Athleten an Athletinnen aus 50 europäeschen Natiounen bei den Europaspiller zu Minsk ëm Medailen, dorënner och 24 Lëtzebuerger Sportler a Sportlerinnen.
Um Programm stinn 199 Kompetitiounen a 15 Sportaarten respektiv 19 olympeschen Disciplinnen.
Scho virun der offizieller Erëffnungszeremonie waren e Freideg de Mëtteg e puer Lëtzebuerger am Asaz an dat am Bouschéissen an am Boxen.
RTL-Artikel: Bouschéissen: Gilles Seywert an der Compound-Qualifikatioun de 5.
RTL-Artikel: Boxen: Kloer Néierlag fir de Michel Erpelding
