RTL - Zwee kleng Prënzen zu Wolz mat dobäi: D'groussherzoglech Famill mécht Statioun am Norden

A fënnef Uertschafte sinn de Grand-Duc an d'Grande-Duchesse erwaart ginn. Déi zweet Destinatioun war zu Wolz, oder Wooltz wéi et "do uawen" heescht.

E Samschdeg um 14.20 Auer ass de Grand-Duc mat senger ganzer Famill zu Wolz ukomm. Déi zwee Prënzen, d'Grande-Duchesse Stéphanie an de Grand-Duc Guillaume sinn am Wooltzer Schlass begréisst ginn. Zesumme mat den Awunner vu Wolz hu si e Spektakel mat interaktiver Videoinstallatioun an dräi musikalesch Optrëtter suivéiert.

Nei groussherzoglech Koppel op Visitt zu Wolz (Ketty a Rom Hankes, 4.10.25)

Les photos diffusées sur ce site sont soumises à des droits d’auteurs et ne peuvent être copiées, modifiées, vendues, sans l’autorisation préalable du propriétaire du site en question.

Déi bescht Momenter vu Wolz am Zesummeschnëtt

Kuckt nach eng Kéier de komplette Replay

Mëttegiessen um längsten Dësch vum Land a Public Viewing

Am Stadkär war eng interkulturell Feier a fir dat Ganzt esou richteg geselleg ze gestalten, gouf sech do ee ganz besonneschen Iessdësch ausgeduecht, dee längsten am Land. 150 Meter war dëse laang a jidderee sollt do eng Plaz fannen.

Héichpunkt vum Dag ass e gratis Open-Air-Concert mat nationalen an internationale Kënschtler an engem DJ-Set um Samschdegowend bis an d'Nuecht eran.

Wou d'Rees vum Grand-Duc Guillaume a senger Fra Stéphanie weidergeet, kann een zu Wolz um groussen Ecran suivéieren.

Sämtlech Detailer um Site vun der Gemeng Wolz.

Artistesche Programm

Cooperations & Friends
Carmen Luisa
Naomi Ayé & Band
Pueri Cantores
Volleksfest mat:
Claire Parsons
Selah Sue
Weeltzer Musik + Dj Leen & others
Dj Ze Edouardo
Lisa Junius
Eric Mangen
Cooperations Art

De Resumé vu Wolz

Déi zwee Prënze ware mat an de Norden komm.