Verschidde Leit wollten hir Kaméiler mat gesprëtzte Lëpsen a Gesiichtslifting “verschéineren”, och wann esou Tricks net erlaabt sinn a Fuddeler mat strenge Strofe rechne mussen. Iwwer 40 Déiere goufen dowéinst vum Schéinheetsconcours disqualifizéiert, mellt déi staatlech Presseagence vu Saudi-Arabien. Botoxinjektiounen, Liftingen oder aner Zorte vu kosmeeteschen Agrëffer ginn net toleréiert.
Wie sech un d’Reegelen hält a mat deem schéinste Kaméil punkte kann, dee gëtt mat engem Präisgeld vun ëmgerechent 58 Milliounen Euro priméiert. Ënnert anerem huelen d’Jury Kapp, Hals, Hockeren a Kierperhaltung méi genee ënnert d’Lupp.
Mat enger spezieller Technologie gëtt versicht, manipuléiert Kaméiler z’erkennen a verstäerkt géint dës Trickserei virzegoen.
