Als éischt afrikanesch Sängerin wäert d'Angélique Kidjo en Dënschdeg zu Hollywood mat engem Stär um berüümte "Walk of Fame" geéiert ginn. D'Artistin wäert bei der Zeremonie entouréiert si vum US-amerikaneschen Acteur Willem Dafoe an dem Chef vun de Grammys Harvey Mason, sou d'Organisateuren.
D'Kidjo, déi virun 10 Joer zesumme mam Gast Waltzing ee vun hire fënnef Grammys gewonnen huet, hätt dozou bäigedroen, de Wee fir afrikanesch Artistinnen op der internationaler Bün fräi ze maachen, heescht et vun der Chambre de Commerce zu Hollywood, déi d'Laureaten auswielt.
D'Sängerin, gebierteg aus dem Benin, huet sech der AFP géintiwwer iwwerzeegt gewisen, dass si net déi lescht afrikanesch Sängerin wäert sinn, déi mat esou engem Stär wäert ausgezeechent ginn a freet sech op d'Zeremonie.
