Schonn als Kand huet déi jonk Lëtzebuerger Sängerin NINON gär gesongen a konnt sech nom Gewënn beim Screaming Fields Song Contest am Joer 2023 mat der Single “Come pick me up” eng Karriär opbauen. Op der EP “Afterglow” si 4 Lidder z’entdecken, déi d’Sängerin vun enger ganz perséinlecher Säit weisen. D’Isabelle Gillen huet d’NINON am Januar op der Release Party fir hir EP am Gudde Wëlle getraff a gouf backstage e bësse méi iwwert déi eenzel Lidder gewuer.
