De Lëtzebuerger Auteur, deen eréischt viru ganz kuerzer Zäit de "European Prize for Literature" fir Lëtzebuerg gewonnen hat, kritt och de Servais-Präis.

De Francis Kirps kritt de Servais-Präis 2020.  Dat fir d'Wierk "Die Mutationen. 7 Geschichten & 1 Gedicht", dat bei Hydre Éditions erauskomm ass. Fir de Lëtzebuerger Auteur, deen eréischt viru ganz kuerzer Zäit de "European Prize for Literature" fir Lëtzebuerg gewonnen hat, ass d'Éierung mam Servais-Präis eng Iwwerraschung. 

Extrait Francis Kirps

An "Die Mutationen" geet den Auteur vu bekannte literaresche Virlagen aus an arrangéiert se an neier Form. Et entsti Geschichte mat ville verschiddene Schichten a vu grousser Originalitéit, déi gläichzäiteg eng intelligent an humorvoll Interpretatioun vun de Basistexter sinn.

An der Begrënnung vum Jury ënnert der Presidence vun der Jeanne Glesener gëtt ënner anerem dem Francis Kirps säin onkonventionellen Erzielstil a säi kreativen Ëmgang mat Sprooch- a Stil-Regëstere gewierdegt. An "Die Mutationen" géif et dem Francis Kirps geléngen de Lieser e Spigel virun A ze halen.

An der Shortlëscht dëst Joer waren:

  • Pit Hoerold, in die augen, in die ferne, still ins ohr. 78 stehplaces plätzedebout, Luxembourg, Éditions Textîle, 2019.
  • Francis Kirps, Die Mutationen. 7 Geschichten & 1 Gedicht, Bridel, Hydre Éditions, 2019.
  • Claudine Muno, Sou wéi et net war, Esch‐Sauer, Op der Lay, 2019.
  • Jean Portante, Leonardo. Roman, Luxembourg, Éditions PHI, 2019.
  • Lambert Schlechter, Je n’irai plus jamais à Feodossia. Proseries, Paris, Tinbad, 2019.

De Servais-Präis gëtt zanter 1992 all Joer dediéiert an ass mat 6.000 Euro dotéiert. Zejoert krut d'Elise Schmit de Präis fir "Stürze aus unterschiedlichen Fallhöhen".

Nieft dem Servais-Präis gëtt et de Batty Weber Präis, deen all 3 Joer decernéiert gëtt, an den nationale Literatur-Concours.