An awer ginn d’Organisateure vu Rock am Ring a Rock im Park dovun aus, dass béid Festivaller net wäerten ofgesot ginn. Wéi si op hirer Websäit matdeelen, géingen d’Virbereedungen op Héichtoure lafen: “Nach derzeitigem Stand findet Rock am Ring 2020 wie geplant statt und die Vorbereitungen laufen auf Hochtouren.”
An 2 Méint soll et esou wäit sinn. Fir déi 35. Editioun vum Museksfestival sollen ënnert anerem Korn, System of a Down, Green Day an The Offspring optrieden. Ob si an 2 Méint tatsächlech op der Bün stoe wäerten, ass awer nach net esou sécher. D’Gesondheet vun de Visiteuren an de Kënschtler géing hinne besonnesch um Häerze leien, dofir géing een d’Corona-Situatioun am A behalen.
