D’Europäesch Rundfunkunioun EBU huet déi éischt Eurovision Song Contest Live Tour annoncéiert. Eng grouss nei Arena-Show am Kader vum 70. Anniversaire vum Concours. Vu Juni bis Juli 2026 kënnen d’Fans an zéng europäesche Groussstied d’Energie vum Event erliewen, och wa si net bei der ausverkaafter Finall zu Wien kënnen dobäi sinn.
Optriede wäerte fréier Museker aus de siwe leschte Joerzéngten ESC zesumme mat zéng Kënschtler, déi an déi grouss Finall vum Eurovision Song Contest 2026 kommen. Bei all Concert wäerten de Spectateuren Eurovision-Hits, nei Performancen, Fan-Favourites an Iwwerraschungsoptrëtter gebuede ginn. De geneeë Lineup variéiert vu Stad zu Stad. Wie wësse wëll, wéi eng Kënschtler bei der Tour dobäi wäerte sinn, muss sech forcement nach bis no der grousser Finall de 16. Mee gedëllegen. Wéi eng Eurovision-Ikonen optriede wäerten, gëtt d’EBU awer schonn am Laf vun den nächste Woche bekannt. Eventuell huet dann och e Lëtzebuerger Kënschtler d’Chance a grousse Stadionen uechter Europa opzetrieden.
Richteg Eurovision-Fans kënne sech dann och scho bis den 1. Februar fir e spezielle Virverkaf vun den Tickete registréieren.
Juni:
Juli:
