De Chantier fir de Reamenagement vum Echangeur Sennengerbierg geet an déi nächst Phas. Dowéinst wäert d'A1 op der Héicht vum Echangeur Sennengerbierg tëscht e Freideg (4.9.) 21 Auer an e Méindeg (7.9.) 5 Auer a béide Richtunge gespaart ginn. Dat huet d'Administratioun vun de Ponts et chaussées matgedeelt.
Deviatioune wäerte fir deen Zäitraum en place gesat ginn. D'Gefierer, déi aus der Stad kommen, wäerten iwwert de "by-pass" vum Echangeur Sennengerbierg deviéiert ginn a fir déi aus der Richtung Tréier wäert et iwwert d'N1, d'N34A an d'N36 zréck op d'A1 goen.
Den Detail fannt Dir um Site vun der CITA.
