D'Deputéiert am Ënnerhaus hunn en Donneschdeg eng Ännerung vum Strofgesetzbuch decidéiert, no där d'Doudesstrof an Zukunft fir Brandstëftung a Bëscher, Bëschflächen souwéi beplanzten oder onbeplanzte Felder verhaange ginn.
D'Gesetzesännerung breet d'Doudesstrof ausserdeem op bestëmmt Fäll vu Kidnapping aus, wann d'Affer gefoltert, sexuell mëssbraucht oder verstümmelt gëtt. Éier déi nei Reegelen a Kraaft triede kënnen, musse se nach vum Uewerhaus gepréift an dono vum President Tebboune annoncéiert ginn.
Bei Bëschbränn am August waren an Algerien offiziellen Informatiounen no zwielef Leit ëm d'Liewe komm. Aenzeien hu vun däitlech méi Doudege geschwat. De President Tebboune hat doropshin eng Verschäerfung vum Strofrecht ordonéiert a bei de Feiere vun "eppes Kriminellem" geschwat.
De Justizminister Boudjemaa huet d'Doudesstrof nom Vott als "adequat rechtlech Äntwert, fir dës Verbriechen ze limitéieren", genannt. Brandstëftung hätt antëscht den "Niveau vun der organiséierter Kriminalitéit" erreecht. Ermëttlungen hätten ausserdeem Relatiounen zu "auslännesche Parteien" erginn.
Algerien huet zanter 1993 keng Doudesurteeler méi duerchgefouert, obwuel Geriichter weiderhin d'Doudesstrof verhänken, ënnert anerem an Terrorprozesser. Den Tebboune hat annoncéiert, Verurteelter sollten an Zukunft hir Strof kréien. D'Net-Regierungsorganisatioun Amnesty International huet d'Pläng als "réckschrëttlech Äntwert" kritiséiert an Algerien opgefuerdert, dorop ze verzichten, Exekutiounen nees duerchzeféieren.
