Dräi Deeg nom Incident um Vol vu Flydubai vun Dubai op Tel Aviv, sinn elo weider Detailer bekannt ginn.
De Co-Pilot aus dem Oman, deen de Kapitän wärend dem Vol soll mat engem Messer ugegraff hunn, hätt a sengem Hierkonftsland aus Sécherheetsgrënn net méi dierfe fléien. D'Autoritéiten am Oman hätten de Verdacht gehat, datt de Mann sech wärend engem Openthalt a Syrien radikaliséiert hätt.
Dat mellen ënnert anerem d'Senderen Al-Arabiyah, CNN an de Wall Street Journal.
Nodeems en net méi fir Oman Air konnt fléien an och net bei Emirates ugeholl gi wier, hätt e bei der Fluchgesellschaft Flydubai ugefaangen. Eng Enquête leeft.
