Den US-President betount, d’USA géifen iwwer grouss Quantitéiten u Munitioun verfügen an d’Produktioun géif weider op Héichtoure lafen.
CNN an d’Washington Post haten dogéint gemellt, datt virun allem Patriot-Ofwierrakéiten a wäitreechend Rakéite knapp kéinte ginn, déi och fir d’Ukrain wichteg sinn.
Zousätzlech gouf iwwer eng méiglech Spannung tëscht dem Trump a Verdeedegungsminister Pete Hegseth spekuléiert.
Der Washington Post no hätt Trump Erklärunge fir déi gemellten Enkpäss gefrot. D’Wäisst Haus an de Pentagon hunn dës Duerstellung awer als "Fake News" zeréckgewisen a betount, datt Trump weider vollt Vertrauen an den Hegseth hätt.
