Matzen am Ugrëffskrich géint d’Ukrain wielt Russland vun haut un e neit Parlament. Bis e Sonndeg sinn d’Wallokaler op a bestëmmt gi musse 450 Sëtz fir d’Duma. Alles an allem sinn 110 Millioune Russen an 11 Zäitzonen opgeruff ze wielen. Donieft sinn och Regional- a Kommunalwalen.
Déi wirtschaftlech Situatioun, déi héich Inflatioun an déi temporär Knappheet vum Pëtrol beschäftegen d'Wieler. De Politolog Denis Wolkow stellt awer fest, datt d'Ënnerstëtzung fir dem Wladimir Putin seng Aussepolitik weider héich wier.
Eng kloer Victoire vum Wladimir Putin senger "Vereenegt Russland-Partei" gëllt als sécher, well d’Oppositioun guer net zougelooss ass. Hie selwer schwätzt vun engem Vott als Symbol fir déi russesch Eenheet. Auslänneschen Observateuren ass et net erlaabt, sech e Bild ze maachen. D'Partei Jabloko, déi sech oppe géint de Krich an der Ukrain positionéiert, gouf net zur Wal zougelooss.
Fir d’éischte Kéier gëtt iwwregens och an den ukrainesche Gebidder, déi vu Russland annektéiert goufen, gewielt, also an de Regioune Luhansk, Donezk, Kherson a Saporischija.
