No der Annonce e Freideg vun de G7-Länner wëlle bis zu 100 Millioune Barrel Diesel a Pëtrol aus hire Reserve fräizeginn, huet den US-President Trump seng Menace vun engem Diesel-Exportstopp zeréckgezunn. Hie géing d'Decisioun vun de G7-Länner begréissen. D'USA hätten ni wierklech wëlles gehat d'Diesel-Exporter ze stoppen, esou den Donald Trump e Freideg, nodeems hie sech Enn September nach fir esou eng Mesure ausgeschwat an domat Drock op d'EU gemaach hat. Ëmmerhin kënnt ronn d'Hallschent vun den Dieselimporter an der Europäescher Unioun aus den USA.
