Am Virfeld vun den Dräiergespréicher tëscht russeschen, ukraineschen an amerikaneschen Aarbechtsgruppen d'nächst Woch zu Abu Dhabi huet den ukrainesche President Selenskyj elo uginn, datt d'Gespréicher elo séier a mat voller Kraaft misste viru gedriwwe ginn, fir dem Krich esou séier wéi méiglech een Enn ze setzen. D'Ukrain wier bereet, déi néideg Schrëtt dofir ze maachen.
E Mëttwoch den Owend hätt de Selenskyj dann och ee méi laangt, a wéi hie seet, konstruktiivt Gespréich mam amerikaneschen Spezial-Emissär Witkoff an dem President Trump sengem Edem Jared Kushner gehat.
Fir d'lescht waren Delegatiounen aus den dräi Länner am Februar zu Genève zesumme komm. Am Virfeld vun de Gespréicher d'nächst Woch gesi sech och Mënscherechtsvertrieder aus den dräi Länner am Wäissen Haus mat der First Lady Melania Trump. Dorënner de russesche Wirtschaftsbeoptraagte Kirill Dmitrijew an den ukrainesche Mënscherechtsbeoptraagten Dmytro Lubinez.
En Donneschdeg kommen ausserdeem Vertrieder vun der EU, Groussbritannien, der Nato an den USA zu Bréissel zesummen.
