Eng Persoun war hei verwonnt ginn.
Op der Collectrice op Héicht vun Éilereng war een Auto kuerz no 19 Auer accidentéiert. Dobäi goufen zwou Persoune verwonnt.
E Méindeg de Moie géint 7.45 Auer ass um Briddel “Bei de 5 Buchen” en Auto an e Bam gerannt. Eng Persoun gouf verwonnt.
Géint 10.50 Auer ass et am Rond-point Iergäertchen zu enger Kollisioun tëscht 2 Gefierer komm. Hei goufen net manner wéi 3 Persoune blesséiert.
Géint 13.25 Auer e Méindeg de Mëtteg war op der N27 tëscht Ierpeldeng a Méchela en Auto an de Gruef gefuer. D’Ambulanz aus der Nordstad an de Rettungsdéngscht vun Angelduerf hu sech hei em eng blesséiert Persoun gekëmmert.
Um 14.10 Auer hate sech dann 2 Autoen an der Rue Leon Laval zu Ledieleng ze pake kritt. Och hei gouf eng Persoun blesséiert.
