Aktuell sinn 67 Persounen hospitaliséiert, dovunner sinn 11 Patienten op der Intensivstatioun.
Am Ganze goufe bis ewell 1.255.313 Impfdosisse genotzt.
Den Inzidenzwäert bei den Net-Geimpfte läit bei 107,80 op 100.000 Awunner, dee vun de Geimpfte bei 78,06 op 100.000.
Déi effektiv Reproduktiounszuel läit bei 0,81. Wann den Taux iwwert 1 läit, bedeit dat, datt eng Persoun, déi de Virus huet, am Duerchschnëtt méi wéi eng aner Persoun infizéiert.
Neierdéngs féiert d’Santé an hirem Dagesrapport och Donnéeën iwwert Reinfektiounen un. Als Reinfektioun gëllen zwee positiv PCR-Tester, tëschent deenen op d’mannst 90 Deeg leien. Ënnert den um Méindeg registréierten Infektiounen goufen et 58 Reinfektiounen, eng 8,22 Prozent, wéi d’Santé mellt.
