Doriwwer hu sech déi belsch an déi lëtzebuergesch Regierung eens gesat, heescht et an engem Communiqué aus dem Finanzministère vun e Méindeg den Owend. Et ass eng Ausname-Reegelung, déi domadder verlängert gouf, an déi steierlech Froe kläert. D’Belsch däerfen ebe vun doheem aus fir hire lëtzebuergesche Patron schaffen, ouni do musse Steieren ze bezuelen. An Net-Corona-Zäiten wär dat u sech just 24 Deeg laang méiglech.
Ëmmerhin eng 50.000 belsch Frontaliere kéinten deemno dervu profitéieren.
En änlechen Accord ass mat Däitschland souwisou a Kraaft, a mat de Fransousen wier een nach a Verhandlungen.
Den OGBL fuerdert dann och an engem Communiqué, dass all d'Frontaliere sou séier wéi méiglech misste rassuréiert ginn.
