De 17. November gouf zu Esch d'Federatioun gegrënnt, an där d'Geschäftsleit sech zesummegedoen hunn an déi sech u Commerçanten aus dem Eenzelhandel riicht.

Déi nei Federatioun Luxembourg Retail Federation ass Member vun der CLC, der Confédération de Commerce. 23 Grënnungs-Memberen hunn déi nei Federatioun an d'Liewe geruff. Membere mat ganz ënnerschiddleche Profiller. Am Verband sinn esouwuel kleng Butteker, wéi och international Enseignen a lokal Geschäftsverbänn vertrueden.

De Robert Goeres ass de Präsident vun der nei gegrënnter Federatioun. De Geschäftsmann huet 1998 de Familljebetrib iwwerholl, an ass zënter 20 Joer an der clc engagéiert.