Um Härebierg gouf en Donneschdeg de Grondsteen fir den Aus-an Ëmbau geluecht.

Fir d'éischt ginn elo d'Sportshalen an d'Kichen opgeriicht, als weider nei Gebaier kommen en neien Entréeë-Posten an eng Holz-Hack-Schnitzel-Heizung dobäi. Zousätzlech ginn déi al Gebaier renovéiert. Déi wieren aus de 50er Joren a géifen domat net méi den aktuelle Standarden entspriechen.

D'Aarbechte ginn an dräi Phase realiséiert, 2029 solle se ofgeschloss sinn. Alles an allem läit de Käschtepunkt bei 137 Milliounen Euro.