Kuerz no 1 Auer ass zu Helsem am Millewee en Automobilist mat sengem Gefier an en “Obstakel” gerannt, wéi am CGDIS-Bulletin ze liesen ass. Eng Persoun gouf hei verwonnt. D’Pompjeeë vu Steesel an d’Ambulanz vu Lëntgen waren am Asaz.
Och en “Obstakel” stoung engem Automobilist an de fréie Moiesstonnen, méi genee kuerz no 4 Auer, am Wee. Den Accident war zu Wanseler an der Näerterstrooss, wou zwou Persoune blesséiert goufen. Nieft de Rettungsservicer vu Wolz war och den Ettelbrécker SAMU op d’Plaz geruff ginn.
