Am Virfeld war eng Konferenz fir Professioneller aus deem Beräich, mat internationalen Experten.
Bei der Alphabetiséierung vun Erwuessene wier et wichteg, datt d’Enseignanten de Leit op Aenhéicht begéinen an op hir individuell Besoinen aginn, esou d’Elisabeth Vanderheiden, Presidentin vun der “Katholische Erwachsenenbildung Deutschland”.
“Was braucht der Mensch, der da vor mir sitzt, was möchte er, was möchte sie lernen? Möchte sie einen Liebesbrief an die Partnerin schreiben, möchte sie wissen, was hinten auf dem Babynahrungsgläschen steht, möchte sie eine Bewerbung schreiben oder möchte sie vielleicht einfach nicht mehr im Familienkreis fragen müssen, übersetz mir das, les mir das vor und füll das Formular für mich aus.”
Richteg Liesen a Schreiwe léiere géing immens vill am Liewe vun de Leit veränneren, esou d’Expertin, si géinge méi selbstbewosst an onofhängeg ginn. Si huet eng qualitativ Etude zu deem Thema gemaach, fir déi si mat ganz ënnerschiddleche Leit geschwat huet.
“Das können Menschen sein, die eine bestimmte Disposition haben, wie zum Beispiel Legasthenie, das können Menschen sein, die als Kinder ganz oft umgezogen sind und deshalb zum Beispiel nicht kontinuierlich in einer Schule waren und einfach irgendwann mal den Anschluss verpasst haben, das können Menschen sein, die bestimmte traumatisierende Erfahrungen gemacht haben.”
Den Direkter vun der Erwuessenebildung Christian Buchler confirméiert, och zu Lëtzebuerg géing et ganz ënnerschiddlech Profiller ginn. Dorënner och Leit, déi hei an der Schoul waren an trotzdeem net Liesen a Schreiwe kënnen.
“Déi Leit, déi mer elo als Erwuessen an eise Coursen empfänken, dat sinn der och ganz vill déi scho vill méi laang aus dem Schoulsystem eraus sinn, mir hu ganz vill eeler Leit, mir hunn no uewe keng Begrenzung.”
Mëttlerweil géing awer vill méi gemaach, fir d’Inclusioun an der Schoul a fir Schoulofbriecher nees opzefänken. Mat der neier Campagne ginn d’Leit iwwer Affichen, Radiospotten a Videoen op d’Helpline an den Internetsitte vun der Erwuessenebildung opmierksam gemaach. Si kënnen dann op Coursen orientéiert ginn.
“Mir bidden elo schonn eng ganz Partie u Coursen iwwert d’ganzt Land verdeelt un, dat souwuel am Liesen, Schreiwen, wéi och am Rechnen an och am Digitalen.”
Et wéilt een awer och nei Course schafen do wou se gebraucht ginn, esou de Christian Buchler.
