De Manou Decker war zanter 2018 Schäffen an der Gemeng Habscht. Hi war 2017 deen Éischtgewielten an der Sektioun Simmer.
Wien op den 3. Schäffeposten noréckelt, ass nach net gewosst.
Wéi et vun der Gemeng Habscht heescht, hätt ee mam Manou Decker en engagéierte Frënd verluer, dee sech ëmmer fir d’Wuel vu senger Gemeng agesat hätt an ëmmer en oppent Ouer fir d’Habschter Leit hat.
Och den SNJ trauert ëm säi Mataarbechter Manou Decker, deem déi Jonk ëmmer ganz vill um Häerz geleeën hätten.
