An de leschte Stonne koum et op d’mannst zu dräi Abréch an Haiser. Dat eng Kéier um Houwald an der Bierchemerstrooss, dat tëscht 7.30 a 17.00 Auer e Méindeg, dann am Laf vum Méindeg Nomëtteg an en Eefamilljenhaus an der Escherstrooss zu Keel an en Dënschdeg de Moien tëscht 4 a 6 Auer an der Duerfstrooss zu Mënjecker.
Da gouf och a verschidde Gefierer agebrach. Dat eng Kéier op enger Bensinnsstatioun an der Escher Strooss an der Stad. Hei gouf tëscht 8.30 an 18.30 Auer eng Posch an e Sonnebrëll geklaut. Zu Manternach gouf dann zwee Autoen agebrach, datt virun Haiser an der Stroossen “Feeschtesch” an “um Groesteen”. Aus de Ween goufen ënner anerem d’Pabeiere geklaut. En Handy an e Portmonnie goufen dann zu Beetebuerg an der Rue de la Montagne aus engem Auto matgeholl.
Zu Colmer-Bierg gouf an e Camion agebrach, deen op engem Parking vun enger Firma stoung. An zwou Camionnette goufen zu Munneref a Réimech opgebrach. Hei haten d’Täter e Lach an d’Karosserie geschnidden, fir un de Grëff vun der Dier ze kommen, fir d’Ween esou opzemaachen. Si hunn Aarbechtsgeschier, wat an de Camionnette louch, matgoe gelooss.
