Oppene Bréif vun der Asti un de Formateur Luc FriedenËnner anerem gëtt e Gesetz iwwer interkulturellt Zesummeliewe gefuerdert

Wéi d’Asti an engem oppene Bréif un de Formateur Luc Frieden matdeelt, hätt dat engersäits verhënnert, dass d’Lëtzebuerger Gesellschaft wéinst dëse Froen ausenee gerappt gëtt. Déi negativ Suite dovu wier allerdéngs, dass dës Froen net zu engem Sujet gi wieren, déi déi ganz Gesellschaft betreffen.

Allerdéngs wieren d’Erausfuerderungen, déi mat dësem Thema zesummeginn, gesellschaftlech wichteg. E groussen Deel vun de Lëtzebuerger Residenten hätt nämlech e Migratiounshannergrond.

An deem Zesummenhang bedauert d’Asti, dass ënnert de Gruppen aus der Zivilgesellschaft, déi am Kader vun de Koalitiounsgespréicher gehéiert goufen, keng Acteuren aus dem Beräich vun der Immigratioun an Integratioun, wéi zum Beispill de Flüchtlingsrot oder de CLAE waren.

D’Asti formuléiert hirersäits eng Rei Punkten, déi hirer Meenung no, Deel vum nächste Regierungsprogramm misste sinn:

• D’Gesetz iwwert dat interkulturellt Zesummeliewen an Projeten fir d’Zesummeliewen an de Gemengen.
• En Ausbau vun der politescher Bedeelegung vun alleguer de Residenten.
• D’Ënnerstëtzung vum Benevolat, ouni deen den Accueil an d’Integratioun vu de Migranten net funktionéiere kéinten.
• D’Verhënneren, dass Europa a Migratiounsfroen eng “Festung” gëtt.
• D’Schafe vun engem “guichet unique”, deen d’Zesummeschaffe vun de staatlechen Acteuren am Beräich vum Accueil vun de Refugiéë méi effikass mécht
• Eng Reform vum Office national de l’accueil