D'Regierung huet keng Kenntnis iwwer Niewen-Accorde fir Vaccinen ze kréien, also tëscht dem sougenannten „EU-Steering Board“ a Pharma-Firmen, wéi dat am Moment gemaach gëtt. D'Regierung huet och selwer keen esou een Accord eleng ouni d'EU getraff.
Dat äntwere Premier, Gesondheetsministesch an Ausseminister op eng parlamentaresch Fro vum ADR-Deputéierte Kartheiser.
Dernieft goung et ëm d'Zuel vun de Vaccinen, déi Lëtzebuerg bestallt huet: Stand Méindeg (16.3.21) wieren dat 2.025.683 Impfdosissen. Domadder kéinten 1.237.205 Persoune geimpft ginn.
D'Dosisse sinn esou opgedeelt:
Pfizer/BioNTech : 813.368
AstraZeneca: 415.048
Curevac: 310.649*
Johnson&Johnson: 276.156
Moderna: 219.462
*De Curevac-Vaccin ass nach net vun der EU-Medikamentenagence Ema zougelooss.
