Wéi Contacto schreift, géing Easyjet d'Fluchverbindung tëscht Lëtzebuerg a Lissabon Ufank d'nächst Joer fir bal ee Mount aussetzen. Betraff wieren all d'Flich tëscht dem 11. Januar an dem 7. Februar 2027. Leschte Hin- an Réckfluch virun der Paus ass fir den 10. Januar geplangt.
Easyjet no wier dat eng saisonal Upassung vun hirer Offer. D'Fluchgesellschaft géing hir Capacitéite reegelméisseg un déi erwaart Nofro upassen. No de Feierdeeg géingen awer manner Leit op där Streck fléien.
Vu Februar u soll d'Verbindung dann nees opgeholl ginn. Ronderëm d'Fuesent, Ouschteren a wärend dem Summer rechent Easyjet dann nees mat méi enger héijer Demande tëscht Lëtzebuerg a Portugal.
D'Verbindung Lëtzebuerg-Lissabon géing deemno net komplett gestoppt ginn, ma just fir ee Mount ënnerbrach.
