Lëtzebuerg soll aus der WHO, der Weltgesondheetsorganisatioun, erausgoen. Dat fuerdert eng ëffentlech Petitioun, déi déi néideg 4.500 Ënnerschrëften gesammelt huet. 4.767 Leit haten e Freideg géint 9.30 Auer um Chambersite petitiounen.lu dës Petitioun ënnerschriwwen. Déi Ënnerschrëfte mussen awer nach iwwerpréift a validéiert ginn. Een Dag laang ass d’Petitioun nach op.
D’Verhandlungen iwwer Ännerungen un den internationale Gesondheetsvirschrëfte missten direkt gestoppt ginn, gëtt ënner anerem gefuerdert.
