Laanscht d’N14 gëtt dacks wëll geparkt, ënner anerem vu Schüler.
Kuerzfristeg wäerten um Site selwer awer keng Parkplaze bäikommen. Dat gëtt de Bauten- a Mobilitéitsminister François Bausch der CSV-Co-Fraktiounscheffin Martine Hansen a senger Äntwert op hir parlamentaresch Fro ze verstoen. D’Surface vum Terrain géif dat net hierginn, sou de grénge Minister.
Déi 100 Parkplazen um Site wieren iwwerdeems fir d’Personal, Visiteuren a Leit aus de Weiderbildungscoursë reservéiert.
Allerdéngs géing d’Mobilitéitskonzept 2035 virgesinn, datt à long terme e Parkhaus ënne bei d’Dikrecher Schwämm soll gebaut ginn.
Dernieft géinge Ponts et Chaussées e Projet fir Foussgänger a Vëloen ausschaffen. Déi nei Pist soll laanscht d’N14 erop goen an d’Aarbechte kéinten 2024 ufänken.
RTL News: Park&Ride als Solutioun fir LTA?: Kee Kontakt tëscht Akerbauschoul an Ärenzdallgemeng
