LSAP - DiddelengLëscht fir d'Gemengewale 2023 steet fest

Vun hiren 19 Kandidate sinn der allerdéngs 10 fir d’éischte Kéier op enger Lëscht.

Spëtzekandidat ass den Député-Maire Dan Biancalana, dee sech zesumme mat de 4 aktuelle Schäffe Josiane Di Bartolomeo, Claudia Dall’Agnol, René Manderscheid a Loris Spina de Wieler stellt.

Vun den aktuellen LSAP-Conseillere geet zu Diddeleng just de Bob Claude net méi mat d’Walen. Den Ament stellen d’Sozialisten an der “Forge du Sud” 10 Gemengeconseilleren, d’CSV huet 5 Sëtz, déi Gréng der 2, déi Lénk stellen ee Conseiller an de Vic Haas ass onofhängege Conseiller.

D’Altersmoyenne vun den Diddelenger LSAP-Kandidate läit bei 46 Joer, op der Lëscht stinn 9 Fraen an 10 Männer. D’Lëscht gouf en Donneschdeg den Owend vun der Diddelenger LSAP-Sektioun gutt geheescht.

Hei déi komplett Lëscht

• Dan BIANCALANA, 45
• Isabelle BASILE-KARGER, 45
• Walter BERETTINI, 56
• Martine BODRY-KOHN, 55
• Alain CLEMENT, 50
• Diogo COSTA, 29
• Claudia DALL’AGNOL, 49
• Paula DAS NEVES, 45
• Josiane DI BARTOLOMEO-RIES, 57
• Fabienne DIMMER, 53
• Roby GOERGEN, 53
• Eliza GUCATI, 23
• Lajla KAPETANOVIC-LICINA, 43
• Gledis KRYEZIU, 26
• Martine LOULLINGEN, 42
• René MANDERSCHEID, 61
• Yannick SCHUMACHER, 35
• Loris SPINA, 50
• Romain ZUANG, 65