Déi Tranche dorop kéint esouguer nach Enn dës Joers fälleg sinn, awer méi warscheinlech ass hei den éischte Quartal 2023.
De Grond heivir ass den Effet vun de Wantersolden. Rechne mer déi raus, da läit den Taux bei 4,7%.
Eigentlech klëmmt d’Präisdeierecht also. Zemools d’Pëtrolsproduite si weider méi deier ginn, dat ëm 12,3%. Dat läit un den internationalen Evolutiounen an un der nationaler C02-Steier, heescht et vum Statec.
De Gas ass iwwerdeems bal ëm 23% geklommen. Par Rapport zum leschte Joer sinn d’Pëtrolsproduite bal 50% méi deier. Beim Heizungsmasutt sinn et 80% an engem Joer.
