Am Formatiounsinstitut Ifen (Institut de formation de l’Éducation nationale) wier duerch e mënschleche Feeler eng E-Mail mat deem falschen Unhang verschéckt ginn.
Déi 26 Persounen hätte sollen e Formulaire geschéckt kréien. Am Dokument waren awer perséinlech Donnéeën, dorënner Numm, Adress, E-Mail-Adress a Matricule, a verschiddene Fäll och d’Schoul oder d’Schoulfach, vun 1.800 Agenten aus der Education nationale. Et wiere keng Schüler betraff gewiescht.
Wéi de Feeler opgefall ass, wieren d’Destinatären opgefuerdert ginn, d’E-Mail ze läschen an d’Persounen, deenen hir Donnéeë fälschlecherweis gedeelt goufen, wieren informéiert ginn.
Och den Dateschutzbeoptraagte vum Ministère an d’Dateschutzkommissioun sinn informéiert ginn.
Den Educatiounsministère präziséiert, dass et keng Praxis wier, perséinlech Donnéeë per E-Mail ze verschécken.
