Wou d’Polizisten an der Avenue Monterey ukomm sinn, huet de Mann de Beamten no ugefaangen, wëll mat den Hänn ronderëm sech ze fuchtelen an haart ze blären. Well de Mann a sengem Zoustand eng Gefor fir sech an anerer war, gouf hie mat op de Policebüro geholl. Do hat hien no enger medezinescher Ënnersichung genuch Zäit, auszeniichteren.
Zu Esch gouf iwwerdeems e Méindeg den Owend géint 22 Auer ee jonkt Affer an der Rue Nelson Mandela iwwerfall. Hie gouf vun dräi jonke Männer an den Eck gedréckt a mat der Ausso menacéiert, si hätten ee Messer derbäi, falls d’Affer sech géif wieren. Nodeems si dem Betraffene Boergeld geklaut hunn, si si fortgelaf a konnten och vun der Police net méi fonnt ginn. D’Affer gouf beim Virfall net blesséiert. Et gouf eng Plainte géint d’Täter gemaach an Ermëttlunge goufen an d’Weeër geleet.
