Op ville Plazen am Land ass et aus Sécherheets-, Ëmwelt- an Déiereschutzgrënn net erlaabt, Freedefeier, Wicken oder aner Knupperten op Silvester 2022/2023 ofzeschéissen.
D'Stad Lëtzebuerg deelt mat, datt et op der ëffentlecher Plaz ouni Erlabnis vun der Buergermeeschtesch iwwerall verbueden ass, Freedefeier ze schéissen. Op privaten Terraine gëtt et d'Recommandatioun, et aus Respekt virun Ëmwelt, Déieren an Nopere sinn ze loossen.
Deelt eis mat, ob är Gemeng Freedefeier dëst Joer erlaabt oder net. Schéckt dofir einfach eng Mail un "red@rtl.lu", mam Communiqué, dem Schreiwes oder der Internetsäit vun Ärer Gemeng, wou een dës Informatioune fënnt. Einfach Text-Emailen ouni Dokument, respektiv Link, vun net-offiziellen Email-Adressen, ginn net matgeholl.
Sollt Är Gemeng net an dëser Lëscht stoen, frot am beschte bei hinnen no, ob et an Ärer Géigend erlaabt gëtt, fir Freedefeier ofzeschéissen.
