Eng Persoun gouf géint 17.35 Auer am Pafendall ugestouss, déi aner zu Märel. Zwee Mënsche goufe verwonnt.
Da koum et um 20.15 Auer um CR162 tëscht Alzeng an Haassel zu engem Accident. Hei sinn zwee Gefierer net laanschtenee komm. De Bilan sinn zwee Blesséierter.
Wéi d’Police spéider präziséiert, hat de Chauffer d’Kontroll iwwert säi Gefier verluer a krut een Auto ze paken, deen deen Ament entgéintkoum. Dëse Won gouf an de Gruef geschleidert an d’Automobilistin huet misse vun de Rettungsekippe gebuerge ginn. Béid Persoune koumen an d’Spidol. Wéi et heescht, gouf en drëtten Auto duerch Stécker, déi op der Strooss louchen, beschiedegt. Beim schëllegen Automobilist war iwwerdeems den Alkoholtest positiv an de Permis gouf agezunn.
