Um Amsterdamer Fluchhafe Schiphol ass d’Grenzpolice op zwee Männer an eng Fra opmierksam ginn, déi versicht hunn, aacht Wallisse mat honnertdausende Fësch dran duerch d’Sécherheetskontroll ze schmuggelen. Fir genee ze sinn: 105 Kilo lieweg kleng Éilen. Déi dräi Passagéier hu versicht, d’Fësch illegal iwwert den Amsterdamer Fluchhafen ze schleisen. Vun do aus wollte si weider a Richtung Portugal an dann a Malaysia fléien. An Asien sinn dës Fësch nämlech immens beléift, allerdéngs gëllt déi europäesch Éil-Populatioun als staark menacéiert.
Wéi et vun der Grenzpolice heescht, goufen déi dräi Persoune festgeholl. D’Déiere sollen elo an hollännesch Gewässer fräigelooss ginn.
