De Studio war dës Kéier méi wéi gutt gefëllt. Et geet ëm Concerten en Donneschden an der Rockhal, e Freiden zu Ueweraanwen, e Samschden zu Bartreng an e Sonnden zu Diddeleng.
Fir d'éischt war de Yacke bäigeschalt; hien huet zesumme mat der Gemeng Nidderaanwen déi nächst "Artists for Mental Health" op d'Bee gestallt.
Duerno hu mir dem Sven Sauber säi Projet mam Elya Craig kennegeléiert. Déi 2 maachen ënnert dem Numm "Just About - A Musical Duo" Musek a presentéieren e Sonnden zu Diddeleng OpderSchmelz hiren éischten Album "Better Weather Day" (an net Bad Weather Day wéi ech am Interview gesot hunn :)).
Hei geet et bei de Concert vun Just About
Du war et un de Kitshickers déi hire Concert vu virun 2 Joer an der Kulturfabrik widderhuelen, awer déi Kéier Unplugged, mat anere Museker a souguer engem Kannerchouer.
Hei geet et bei de Concert vun de Kitshickers
An et war souguer nach Plaz fir déi nächst Rocklab Live Session an der Rockhal. Déi ass dësen Donneschde mat Scarlet Anger an Abstract Rapture (näischt fir sensibel Oueren ;)).
Hei geet et bei d'Rocklab Live Session
An hei nach d'Playlist vun dësem Episod:
