Fannt och Dir Är Dramdestinatioun

D’Luxexpo The Box versetzt eis wärend 3 Deeg a Vakanzestëmmung!

Mat Dramreesen, deene schéinste Landschaften an eenzegaartege Entdeckunge fir eleng, zu 2, als Famill oder am Grupp.

Op der Foire „Vakanz“ gëtt e grousse Programm gebueden, wou fir jiddereen eppes dobäi ass: Vun der Weltrees, iwwert organiséiert Reese bis hin zu klenge City Trips.

A wie mengt Vakanz wier just Erhuelung, dee läit falsch.

Fir déi déi op der Sich no e bëssen Action sinn, huet d’Vakanzefoire nämlech och genuch ze bidden:  Iwwer 200 Beroder stinn Iech zur Verfügung bei Froen zu Rafting, Stand-up Paddling, Wanderungen a méi.

Donieft kann och jidderee bei flotte Gewënnspiller matmaachen a fir Animatioun fir Grouss a Kleng ass natierlech och gesuergt.

Rendezvous also, dëse Freiden, Samschden a Sonnden op der Foire Vakanz an der Luxexpo The Box