Protestaktioun virun der Direction générale de l'immigration

Eng 50 syresch Asyldemandeure hate sech kuerz vu Mëtteg virum Gebai vun der Direction de l’immigration op der Areler Strooss fir eng Protestaktioun versammelt. D’Organisatioun SoriiaLina hat zu der Manif opgeruff. Dat fir op déi aktuell Situatioun vu syreschen Asyldemandeuren opmierksam ze maachen. Zanter der Chute vum Assad-Regimm a Syrien Ufank Dezember, huet d’Lëtzebuerger Regierung, wéi aner EU-Memberstaaten och, decidéiert d'Asyldemande vu syresche Migranten bis op Weideres net ze traitéieren, Marlène Clement.