© afp
D'Marvel-Ausstellung "Universe of Super Heroes" huet weltwäit scho Millioune begeeschtert Visiteuren ugezunn. Elo ass se fir déi alleréischte Kéier op Besuch an Däitschland. Erlieft Marvel-Superhelden ewéi Spider-Man, Captain America, Thor a Black Panther zu Köln am ODYSSEUM.
"Universe of Super Heroes" ass eng epesch Rees duerch iwwer 85 Joer Marvel-Geschicht - vun deenen éischte Comics bis hin zu de spektakuläerste Blockbuster-Filmer a Serien. An der Ausstellung kënnt Dir iwwer 200 original Kostümer a Requisiten direkt vun Hollywood gesinn, genee esou ewéi Originalzeechnunge vu Comic-Legenden ewéi Jack Kirby a Steve Ditko. D'Expo weist ausserdeem deen enormen Afloss vu Superhelden op déi global Popkultur a gëtt Ablécker an d 'Geschichten hannert deenen eenzele Figuren ewéi Captain America oder Captain Marvel.
Kulissen déi zougänglech sinn, interaktiv Elementer an en immersive Sounddesign erwächen d'Comicwelt zum Liewen. Dir kënnt déi geheimnisvoll Spiggeldimensioun vum Doctor Strange an d'Asazzentral vun den Avengers entdecken, en Testfluch mat der Iron Man-Rüstung vum Tony Stark woen oder e Selfie mat liewensgrousse Figure vu Black Panther, Spider-Man oder Hulk maachen.
Weider Highlights vun der Marvel-Ausstellung "Universe of Super Heroes" sinn eng Ausgab vum alleréischte Marvel Comic deen 1939 erauskomm ass, den Originalkostüm vum Loki aus "The Avengers" (2012) oder dem Thanos säin Infinity Gauntlet aus "Avengers: Infinity War" (2018).
D'Marvel-Ausstellung "Universe of Superheroes" am ODYSSEUM zu Köln leeft nach bis den 22. Juni - dënschdes bis sonndes ass op.
