Op der 5. Etapp vum Tour de France Femmes gouf et no ronn 166 hiwwelege Kilometer eng Victoire vum Kimberley Le Court Pienaar.

Dat am Sprint virum Demi Vollering an dem Anna Van der Breggen. De Spëtzegrupp hat op der Arrivée eng Avance vun 33 Sekonnen op de Maillot Jaune Marianne Vos.
 
Domadder iwwerhëlt d’Kimberley Le Court Pienaar d’Féierung am General an huet elo do eng Avance vun 18 Sekonnen op d’Pauline Ferrand Prevot. D’Demi Vollering ass elo déi Drëtt op 23 Sekonnen.
 
Bei dëser Editioun vum Tour de France Femmes ass keng Lëtzebuergerin mat dobäi.

En Donneschdeg geet et op der 6. Etapp fir déi éischte Kéier an d’Bierger. Fir de Peloton stinn da ronn 124 Kilometer vu Clermont-Ferrand op Ambert um Programm.

Top 10 vun der 5. Etapp

1 Le Court Pienaar Kimberley AG Insurance - Soudal Team 3:54:07
2 Vollering Demi  FDJ - SUEZ ,,
3 van der Breggen Anna  Team SD Worx - Protime ,,
4 Niewiadoma Katarzyna CANYON//SRAM zondacrypto ,,
5 Ferrand-Prévot PaulineTeam Visma | Lease a Bike ,,
6 Gigante Sarah AG Insurance - Soudal Team ,,
7 Rooijakkers Pauliena  Fenix-Deceuninck ,,
8 Vos Marianne  Team Visma | Lease a Bike 0:33
9 Muzic Évita FDJ - SUEZ ,,
10 Chabbey Elise FDJ - SUEZ ,,

Generalklassement

1 Le Court Pienaar Kimberley AG Insurance - Soudal Team 15:07:14
2 Ferrand-Prévot Pauline Team Visma | Lease a Bike 0:18
3Vollering Demi  FDJ - SUEZ 0:23
4 Niewiadoma Katarzyna CANYON//SRAM zondacrypto 0:24
5 van der Breggen Anna Team SD Worx - Protime 0:27
6 Vos Marianne Team Visma | Lease a Bike 0:37
7 Rooijakkers Pauliena Fenix-Deceuninck 0:45
8 Gigante Sarah AG Insurance - Soudal Team 0:55
9 Pieterse Puck Fenix-Deceuninck 1:04
10 Kerbaol Cédrine EF Education-Oatly 1:16