De Weekend waren eng Rei Lëtzebuerger Dëschtennisspiller beim WTT Feeder Linz am Asaz.
De Maël van Dessel an den Tom Scholtes hunn am Dubbel vun den Hären d'1/4-Finallen nëmme ganz knapp verpasst. An engem enke Match géint den den englesch-polneschen Duo Green/Zalewski gouf et no fënnef Sätz eng 2:3-Defaite.
Am Eenzel vun den Hären hat de Maël van Dessel et an d'Haaptfeld gepackt, wou dann awer géint de Favorit Darius Movileanu aus Rumänien bei engem 0:3 näischt ze huele war.
D'Sarah de Nutte hat sech e Freideg mat enger Victoire fir d'1/8-Finalle qualifizéiert, wou et e Samschdeg dann awer eng 0:3-Néierlag géint d'Süudkoreanerin Lee Seungeun gouf.
Am Mixed-Dubbel waren aus Lëtzebuerger Siicht d'Sarah de Nutte an de Maël van Dessel ugetrueden. Si konnte sech an den 1/8-Finalle mat 3:1 behaapten, waren dann an de 1/4-Finallen awer géint den Duo Zelinka/Puchovanova ouni Chance.
